Deri në mesdite, vendi ynë nesër do të karakterizohet nga kthjellime dhe vranësira të shpeshta në pjesën më të madhe të tij, më të dukshme vranësirat do të jenë në zonat malore.
Parashikohet që pasditja të vijojë me kthjellime dhe vranësira të lehta në ultësirën perëndimore ndërsa në të gjithë zonën malore vranësirat do të jenë më të dendura.
Sipas MeteoAlb, temperaturat e ajrit nuk do të pësojnë shumë ndryshime të dukshme duke ruajtur vlera konstante. Era do të fryjë mesatarisht me shpejtësi 27 km/h nga drejtimi veriperëndimor, për pasojë në brigjet detare do të gjenerohet dallgëzim deri në 1 apo 2 ballë.
Europa
Pothuajse i gjithë kontinenti i Europës do të jetë në ndikimin e masave ajrore të qëndrueshme duke bërë që moti i kthjellët të jenë prezent. Konkretisht me kthjellime dhe vranësira të lehta paraqiten vendet Mesdhetare, Ballkani si edhe Europa qendrore. Ndërsa krejt ndryshe paraqitet sërish situata e motit për gadishullin Skandinav si edhe Lindjen e Europës të cilat do të mbeten me vranësira dhe shira, herë pas here do të ketë edhe rrebeshe.noa/a.k
