Orët e paradites do të jenë nën ndikimin e kushteve të qëndrueshme të motit duke bërë që kthjellimet të jenë dominante në pjesën më të madhe të vendit.
Ndërsa, gjatë orëve të pasdites do të shfaqen edhe vranësira të cilat më të dukshme do të jenë në zonat verilindore- juglidndore duke rrezikuar shira të karakterit lokal. Për sa i përket të gjithë ultësirës perëndimore do të jenë nën dominimin e kthjellimeve dhe vranësirave të herë pas hershme.
Sipas MeteoAlb, temperaturat e ajrit do të mbeten konstante si gjatë vlerave minimale edhe në vlerat maksimale të ditës. Era, do të fryjë e lehtë dhe mesatare me shpejtësi 28 km/h nga drejtimi veriperëndimor dhe për pasojë në brigjet e Adriatikut dhe Jonit do të gjenerohen dallgë 1 ballë.
Europa
Zhvillimi i një qendre të fuqishme ciklonare në veri – veriperëndim të Europës do të bëjë që gadishulli skandinav si edhe Ishujt britanike të jenë nën ndikimin e vranësirave dhe shirave të dendur. Gjithashtu, me shira intensive do të mbetet situata meteorologjike për vendet Lindore ku shirat do të jenë të rrëmbyeshëm.
Ndërsa e gjithë pjesa tjetër e kontinentit të Europës do të vijojë të mbetet nën ndikimin e masave ajrore të qëndrueshme duke bërë që moti i kthjellët të jetë dominant.noa.al/a.k
