Gjatë seancës së sotme parlamentare ku diskutohej ligji i legalizimeve, ka ndodhur një përplasje mes Kryetarit të Grupit Parlamentar të Partisë Demokratike, Edi Paloka dhe deputetit socialist Erjon Braçe.
Paloka nga foltorja e parlamentit lexoi një mesazh që sipas tij ja kishte dërguar një qytetar i zonës ku është deputet Braçe. Sipas mesazhit që citoi Paloka, një banor ankohej se i kishte prishur shtëpinë IKMT dhe Braçe.
Menjëherë ka replikuar Braçi i cili sqaron se ky është një spekulim. Sipas Braçes, shtëpia e zotërisë të cilin Paloka e citoi, ishte lënë përgjysmë e ndërtuar sipër kanalit vaditës.
Braç gjithashtu theksoi se ndërtimi ishte plotësisht pa leje, ndësa banesat e tjera që janë shëmbur për arsye urbanistike, janë dhe do të kompenohen një më një.
