Kreu i PDK-së, Nard Ndoka i ftuar në studion e lajmeve në News24 ka folur rreth protestës që do të zhvillojë opozita më datë 7 Maj në Kavajë.
Në fjalën e tij, Ndoka u shpreh se Rama do të dështojë në Kavajë dhe do të ikë me bisht ndër shalë.
Më tej, Ndoka tha se proçesi në Kavajë nuk do të jetë një proçes normal, pasi ndodhemi në mes të një krize të thellë politike.
“Përballja me opozitën është e pashmangshme, ka ardhur ora të ketë një pritë.
Në Kavajë parashikoj një proces jo normal, pasi jemi në një situatë jo normale, në një krizë të thellë politike.
Rama të këtë kurajo, po luan rolin e shahistit, po vë bast për fatin e Shqipërisë dhe të opozitës, është i rrezikshëm.
Axhenda e tij janë përplasjet dhe muskujt.
Ndaj edhe në Kavajë besoj se zoti Rama duhet ta kursente këtë aventurë, ta tërhiqte kandidatin”, tha Ndoka. /b.d
