Ish-zv. Kryetarja e Partisë Demokratike, Jozefina Topalli do të përfshihet në zgjedhjet parlamentare të 25-Prillit me Lëvizjen për Ndryshim.
E ftuar në Spotlight nga Alban Dudushi, në Vizion Plus, Topalli u shpreh se kush ka menduar se do qëndronte duarlidhur, ka gabuar.
“Në kushtet kur një vend ka gjysmën e popullsisë që nuk e përballon jetesën dhe për më tepër, për shkak të kësaj dhe jo vetëm, boshatiset dhe kjo përbën dramën më të madhe, sipas gjykimit tim sot për sot… sigurisht që njerëzit duhet të reagojnë. Kushdo që ka menduar se unë do rrija duarlidhur, ka gabuar”, deklaroi Topalli.
g.kosovari
