Nga Brukseli, Sekretari amerikan i Shtetit Antony Blinken tha se parimet e demokracisë dhe sovraniteti i vendeve paqësore po sulmohen pas pushtimit të Ukrainës nga Rusia.
“Nëse lejojmë që këto parime të dhunohen pa ndëshkim, atëherë po hapim kutinë e Pandorës në çdo cep të botës, duke lejuar që kjo të përsëritet”, tha Blinken.
Ai po ashtu paralajmëroi se paqja dhe siguria nuk do të jenë më, nëse nuk ndërmerren veprime.
Blinken vlerësoi ato që ai i quajti veprime të shpejta të Bashkimit Europian duke thënë se solidariteti i vendeve Perëndimore duhet të vijojë derisa lufta të mbarojë./m.j
