“Të jesh i ri në Shqipëri” ishte tema që përplasi në studion e emisionit “Tonight Ilva Tare” Mininistrin e Punës Blendi Klosi dhe deputeten demokrate Albana Vokshi.
Për Ministrin problemi në punësimin e të rinjve qëndron tek kualkifikimi i tyre dhe jo mungesa e vendeve të punës. Sipas tij, aktualisht sot në zyrat e punës janë 40 mijë vende pune bosh.
Por kjo tezë u kundërshtua nga Vokshi. Sipas saj qeveria nuk ka strategji të qartë për të rinjtë, të cilët po largohen nga vendi. Ajo tha se qeveria ka dështuar me premtimin për hapjen e 300 mijë vendeve të reja pune.
Debati në studio
Klosi:Dëshira për të pasur një jetë më të mirë e ka shoqëruar gjithmonë popullin shqiptar. Shqiptarët janë njerëz ambiciozë dhe kërkojnë më të mirën. Është shumë e rëndësishme të flasim për punësim të të rinjve. Në zyrat e punësimit kemi 40 mijë vende pune në zyrat e punës që ofrohen nga biznesi dhe janë bosh sepse të rinjtë dhe të rejat kërkojnë punë me ëndrrën që do të paguhen si në Gjermani. Mu në mes të Shkodrës një kompani ofronte 300 vende pune dhe nuk ka një punëtor që të shkojë të punësohet pranë asaj kompanie e cila ka super kushte, pagesa është qind për qind e sigurtë.Orientimi jonë drejt arsimit profesional, tregut të punës është thelbi i reformës.Kemi problem të madh me kualifikimin. Në fillim të vitit me sot kanë qenë të regjistruar në zyrat e punës 155 mijë punëkërkues sot janë vetëm 105 mijë, shifra po vjen duke rënë.
Vokshi: Është shumë e vështirë për një të ri shqiptar që të largohet.Largohen për mungesë politike, mungesë, mbështetje. U mundova të hapja sot programin e qeverisë për rininë, nuk ishte në uebsaitin e Ministrisë.Ose strategjia e qeverisë për arsimin profesional, punësimin e të rinjve është thellësisht e dështuar, ose pjesa e përçuarjes së politikave të qeverisë është thellësisht e dështuar. Kemi tre vjet që kemi ngrirje të pagave dhe pensioneve. Janë larguar 400 mjekë.
Tare: Mbollët pemë sot?
Klosi: Ishte aksion i programuar prej kohësh për ta realizuar në pyllin e Qafë Shtamës. Do duhet ky aksion të vazhdojë. Është me rëndësi që njërëzit të merren dhe me aksion. Natyrisht që do largohen.
Vokshi: Këto janë si ditët e Enverit.Kjo nuk u jep bukë atyre të rinjve. Po na e bëni çdo ditë si ditët e Enverit.Kjo nuk u sjell punësim. Pranoni që keni dështuar me premtimin për 300 mijë vende pune.
Klosi: Të 500 këta të rinjë janë nga shkollat profesionale që merren me biznesin e agrokulturës.
Vokshi: Do të jap tre emra që ti mund të kishe ndihmuar si Ministri, Erjon Seliam që gati u hodh nga vinçi. Ministria juaj e ka për detyrë për tu kujdesur. Dhe shumë të tjetër ju i nxorët nga konvikti i Teknologjikes. Jetimët i nxorët në rrugë.
Klosi: Nesër në 08:30.
Vokshi: Ardit Gjoklaj emri tjetër mund ta kishe mbështetur, ta kishe kontrolluar mos të shkonte të punonte minoren.Besnik Pudja që e detyruan të punonte në drogë.
Klosi: Vazhdo me propagandë.Më gjej 10 njerëz realë nesër në orën 08:30 të jap nga tre mundësi punësimi.
Vokshi:Ke bërë tendera për mobilimin, kolltuqe të mira, kompjutera tek zyrat e punës, është fasadë. Ja ku i ke shifrat e papunësisë. Një në tre të rinj të kërkojnë punë sot dhe ti u ofron drogën.
Klosi: Unë bëj propagandë për mbjellje pemësh, ti për drogën. Janë 6000 të rinj të punësuar nga programet e nxitjes së punësimit për 2016, me emër dhe mbiemër ti raportoj.Silli të rinjtë demokratë ti çoj ti punësoj.
Vokshi: Po ti çosh në call center me pagë minimale.Ka dalë një shprehje se kafja më e mirë bëhet në Tiranë se e bëjnë të rinj me master.
Oranews/d.i.
