Papa Leo u shpreh të hënën se negociatorët që kërkojnë t’i japin fund luftës në Evropë duhet të jenë të gatshëm të sakrifikojnë disa pozicione për të arritur paqen, pasi përpjekjet për t’i dhënë fund luftës së përgjakshme të Rusisë në Ukrainë vazhdojnë të dështojnë.
Papa i parë amerikan, duke folur në Metz u ankua se “lufta është rikthyer, madje edhe në Evropë: një masakër e re e pakuptimtë, që merr jetë të panumërta civile çdo ditë”.
Duke ofruar vizionin e tij më të qartë politik deri më tani për Evropën, Leo vlerësoi gjithashtu integrimin dhe multikulturalizmin në një kohë kur e djathta ekstreme po fiton forcë në të gjithë rajonin.
Ai u bëri thirrje evropianëve të kujtojnë vlerat themelore që mbështesin BE-në, duke përfshirë sundimin e ligjit dhe barazinë e të gjithë njerëzve pa dallim race, ngjyre, klase apo profesioni.
Leo e filloi vizitën e tij katër-ditore të premten me një paralajmërim se Kombet e Bashkuara dhe organe të tjera shumëpalëshe ishin në krizë dhe se dialogu ndërkombëtar rrezikonte të shndërrohej në një “farsë”.
