Analisti Frrok Çupi në “Faqja 4” në ABC News, foli për zgjedhjen e Papës së Ri, Leoni i XIV, duke u shprehur se e vlerëson si një misionar të paqes.
Për analistin Frrok Çupi, edhe papa i ri do të jetë në gjurmët e Papa Françeskut.
“Është një njeri i thjeshtë me prindër europianë, babai i tij ishte mësues. Emrin Leo e ka zgjedhur për shkak të dëshirës së tij për mësimdhënie. Ka shumë kuriozitete rreth tij, se cili do të jetë edhe qëndrimi i tij…Padyshim që do të shihet me shumë vëmendje se si do të rakordohen të gjitha gjërat. Ka shumë teori edhe përse e zgjodhi këtë emër. Dhe ky ka zgjedhur Leo i madh… Po ashtu po spekulohet edhe për raportet politike…pasi kemi edhe dy njerëzit më të fuqishëm të botës amerikanë. Ndërsa Papa Françesku pothuajse vlerësoi të gjithë kardinalët. Ai tani ka nisur të qortohet nga disa fanatikë të Kishës, për idenë përse e hapi aq shumë Kishën….Ky vjen për të vazhduar rrugën përparuese të Papa Françeskut…Sigurisht që do të ketë edhe disa përmbajtje të tij. Nëse Papa Leo XIV do të ruajë këtë profil dhe do të jetë konsekuent në luftën për mbrojtjen e të drejtave të njeriut, patjetër që do të kemi edhe një mospërputhje. Donald Trump është president i vendosur, sidomos për emigracionin…Por ka edhe një teori tjetër ku spekulohet se mund të gjesh ndonjë realitet…Trump e ka parashikuar zgjedhjen e Leo XIV…”, tha ai.
