Vlora është përfshirë sërish nga trazirat këtë paradite, ndërsa raportohet për të shtëna me armë në zonën e Lungomare.
Ende nuk ka detaje lidhur me ngjarjen ndërsa policia ka zbarkuar në zonë, ndersa dyshohet se ka mbetur i plagosur nje person.
Nga informacionet e para ka pasur katër të shtëna me armë zjarri, ku për pasojë një person, ka mbetur i plagosur shtetasi me inicialet D.C., i cili është jashte rrezikut per jeten
Disa persona kanë qenë në një lokal, kur pranë tyre kanë mbërritur të tjerë persona dhe kan qëlluar me armë. Autorët janë larguar me një automjet dhe kanë marrë drejtimin mes rrugicave në blloqet e pallateve që ndodhen në zonë.
Pas ngjarjes, policia ka gjetur të djegur një automjet në zonën e Babicës, në periferi të qytetit bregdetar, që dyshohet të jetë i autorëve të atentatit.
Policia e mbërritur në vendin e ngjarjes, pritet të japë detaje mbi këtë ngjarje të fundit.
Zona është mjaft e frekuentuar nga qytetarët e Vlorës, duke krijuar panik, ndërsa mësohet se kanë qenë vetë banorët që kanë njoftuar të parët policinë e Vlorës pasi kanë dëgjuar të shtënat me armë.
Bizneset në këtë zonë kryesisht janë të pajisur me kamera sigurie dhe pritet të shihet nëse në filmime do të jenë pikasur autorët e kësaj ngjarje.
g.kosovari
