Avioni i kompanisë “Blue Panorama” që bën linjën Bolonja-Tiranë, ka bërë ulje emergjente në aeroportin e Pescarës në lindje të Italisë. Shkak për këtë ndalesë të papritur është bërë një i moshuar në bordin e avionit i cili është ndjerë keq.
Pasagjeri i cili mësohet se është shqiptar, ka ndjerë shqetësime nga zemra. Ndihma e parë mjekësore të moshuarit i është dhënë nga një mjek i cili fatmirësisht ndodhej në bordin e avionit.
Të moshuarit i jepet ndihma e parë e cila ka rezultuar vendimtare për mbajtjen e tij në jetë. Pas dhënies së ndihmës mjekësore të moshuarit, avioni pritet të vijojë udhëtimin drejt Tiranës.
a.ç
