200 mijë dokumente u publikuan sot në internet nga Konsorciumi Ndërkombëtar i Gazetarëve Investigativë. Dokumentet u bënë publike mes një motorri kërkimi.
Në lidhje me Shqipërinë rezultojnë 2 kompani dhe 25 aksionerë. Përveç emrit të biznesmenit Ismail Mulleti, sot u publikuan edhe dy emra të rinj, ata janë shtetasit Petraq Shumka (aksioner te Sapphire Enterprises LTD) dhe Endrit Maloku (aksioner te Gardiner LTD).
Por në përfshirjen e dokumenteve të “Panama Papers” përveç të tjerash rezulton edhe adresa e dy kompanive arabe të regjistruara në Tiranë.
Dy kompanitë nga Emiratet e Bashkuara Arabe janë “JAIMAA TRUST” dhe “THE MAI TRUST”, të regjisturara mesa duket përmes një studioje ligjore shqiptare me adresë te kati i dytë i Eurocol Bussines Center.
E vetmja studio ligjore që rezulton në këtë adresë është “Zaka & Kosta” e themeluar nga avokatët Tefta Zaka dhe Vangjel Kosta. Ky i fundit është anëtar i Këshillit të Lartë të Drejtësisë i propozuar nga Partia Socialiste si dhe ekspert i Reformës në Drejtësi. /Newsbomb/a.m.
