Pas shpërthimit të skandalit “Panama Papers” qeveria shqiptare po përgatit një ligj që detyron të gtjiha kompanitë të japin informacione për emrat e aksionerëve.
Lajmi u bë publik nga ministri i Drejtësisë Ylli Manjani i cili tha se aktualisht po zhvillohen kosnultime.
“Ekspertët e ministrisë së drejtësisë po shohin mundësinë që çdo kompani e huaj që investon në Shqipëri të deklarojë aksionerët. Do bashkëpunojmë edhe me autoritetet gjermane për këtë çështje. Është shqetësues raporti i komisioneres për konkurrencën e cila nuk ka pasur mundësi të investigonte. Unë po flas për mundësinë që çdo institucion të investigojë. Nuk është koha për të folur për privatësi për këtë çështje, por për të folur për transparencë”, tha Manjani.
Sipas tij “çdo kompani që është regjistruar në off shore që do të investojë në Shqipëri, duhet të tregojë kush janë aksionerët”.
