Dy vëllezër, njëri 17 vjeç dhe tjetri 23-vjeç, kanë humbur jetën në një aksident tragjik të ndodhur mesditën e së enjtes në një aksident të ndodhur në Devoll, shkruan Panorama.
Viktimat janë Billi dhe Simon Telo, të cilët po udhëtonin me një motor në momentin kur u përplasën me një automjet tip “Benz” në aksin rrugor Korçë-Kapshticë. Aksidenti është regjistruar në afërsi të fshatit Proger, ndërsa sipas të dhënave të policisë një mjet tip “Benz” me targë AA 501 HV, me drejtues shtetasin P.G, rreth 55 vjeç, banues në Bilisht, është përplasur me një mjet motor me të cilin udhëtonin dy vëllezërit.
Aksidenti fatal ka ndodhur në një kohë kur si automjeti dhe motor po lëvizini në të njëjtin drejtim. Nga hetimet paraprake të policisë, dyshohet se drejtuesi i automjetit tip “Benz” ka humbur kontrollin e tij dhe për pasojë ka goditur dy vëllezërit me motor nga pas në momentin që po kalonin një kthesë.
Goditja ka qenë e fortë duke bërë që dy vëllezërit të merrnin plagë të rënda duke bërë që të ndërronin jetë gjatë transportimit për në spital. Shkak për aksidentin nga të dhënat e policisë dyshohet se është bërë shpejtësia tej normave të lejuara dhe lagështia në rrugë. Policia ka bërë shoqërimin në komisariat të drejtuesit të “Benz-it” deri në zbardhjen e rrethanave të aksidentit, raporton Panorama.
/a.m.
