Moti i nxehte ka vrarë 65 vetë në qytetin jugor të Karachit në Pakistan gjatë tri ditëve të fundit, tha një organizatë e mirëqenies sociale të martën, mes frikës se numri i të vdekurve mund të rritet, ndërsa temperaturat e larta vazhdojnë.
Vala e të nxehtit ka përkuar me ndërprerjen e energjisë elektrike dhe muajin e shenjtë të Ramazanit, kur shumica e myslimanëve nuk hanë ose pinë gjatë orëve të ditës.
Temperaturat shkuan 44 gradë të hënën, njoftoi media lokale, cituar nga Reuters.
Faisal Edhi, i cili drejton Fondacionin “Edhi” që operon me morg dhe shërbim të ambulancës në qytetin më të madh të Pakistanit, tha se vdekjet ndodhën kryesisht në zonat e varfra të Karaçit.
“Gjashtëdhjetë e pesë vetë kanë vdekur gjatë tre ditëve të fundit,” tha Edhi për Reuters. “Ne kemi trupat në ambientet tona të magazinimit të ftohtë dhe mjekët e thonë se kanë vdekur nga goditja e të nxehtit”.
Por sekretari i shëndetësisë i provincës Sindh, Fazlullah Pechuho, tha për gazetën angleze “Dawn” se askush nuk ka vdekur nga goditja e nxehtësisë.
