Një punëtor dhe dy roje të një shoqërie private të ruajtjes së sigurisë fizike në kantierin e TAP janë arrestuar pasi në bashkëpunim me njëri-tjetrin, kanë vjedhur mjete dhe materiale të ndryshme ndërtimi.
Më datë 07.04.2018, u bë kapja dhe arrestimi në flagrancë i shtetasve: Sotir Ramo, 45 vjeç, banues në Mborje, (punëtor në TAP), Arben Lumani, 56 vjeç dhe Ardian Dinkallari, 48 vjeç, të dy banues në Korçë, (me detyrë roje të një Shoqërie Private të Ruajtjes e Sigurisë Fizike në TAP).
Arrestimi i tyre u bë pasi në fshatin Drenovë, shtetasve të mësipërm në mjetin me targa AA 589 AR, në pronësi të Sotir Ramos, i’u gjetën e bllokuan me cilësinë e provës materiale, mjete e materiale të ndryshme ndërtimi të cilat dyshohet se këta shtetas në bashkëpunim mes tyre i kanë vjedhur pranë kantierit të “Tap-it” ku ishin të punësuar.
Materialet i kaluan Prokurorisë të Rrethit Gjyqësor Korçë, nenet 134/2 dhe 135/2 të Kodit Penal./a.m.
