Pas aksionit policor të ditëve të fundit në rajonin e Shkupit dhe Kumanovës, ka reaguar partia shqiptare në Qeverinë e Maqedonisë Bashkimi Demokratik për Integrim i Ali Ahmetit, i cili ka kërkuar nga policia që të jetë e kujdesshme dhe gjatë aksioneve të saj të mos krijojë frikë dhe të ruajë qetësinë tek popullata.
Zëdhënësi i BDI-së Bujar Osmani thotë se strukturat e BDI-së në polici kanë qenë të informuara për këtë aksion, por që nuk kanë reaguar pasi që këto aksione janë bërë me qëllim parandalimin e krijimit të korridoreve të reja të emigrantëve, akt ky që do të prishte edhe më tepër qetësinë e qytetarëve, raporton Alsat-M.
