Kryeministri Edi Rama ka publikuar një mesazh të koordinatorit juridik që merret me gjyqin e ngritur ndaj Gazment Bardhit në lidhje me akuzat të bëra ndaj vëllait të tij Olsi Rama. Në mesazh thuhet se në seancën e kësaj të marte, avokatët e Bardhit kanë kërkuar që të mos merren parasysh vendimet e penales me pretekstin se ato që ka thënë ai dihen dhe thjesht i ka përsëritur.
Lidhur me këtë padi ka folur në “News Line”, analisti Arben Meçe, i cili u shpreh se çdo ditë e më tepër në Shqipëri po tregohet që sistemi i drejtësisë po veprohet në mënyrë të pavarur.
Ai ka theksuar se të gjitha të vërtetat duhet të dal në shesh në procesin gjyqësor.
“Unë nuk mund të pres asgjë, kryesorja është që vendimi gjyqësor të analizojë provat dhe faktet dhe të jap konkluzionet. Çdo ditë e më tepër në Shqipëri po tregohet që sistemi i drejtësisë po veprohet në mënyrë të pavarur. Qoftë kjo për kryeministrin e Shqipërisë, qoftë për Arben Meçen apo për dikë tjetër.
Ajo që është e rëndësishme është që e vërteta duhet të dal në shesh, sepse Shqipëria është bërë një nga laboratorët më të mëdhenj të Fake News dhe përceptimi është tmerrësisht i deformuar. Ky realitet virtual po ndikon më gjerë për realitetin në Shqipëri”, tha Meçe.
