Gjykata e Durrësit ka rrëzuar ankimimin e bërë nga prokurori i Elbasanit, Dritan Gina, kundër kryeprokurores Arta Marku, me subjekt “kundershtim vendimi per mosfillim procedimi” ne lidhje me shkarkimin e tij si drejtues i prokurorisë së Rrethit Elbasan.
Shkarkimi i tij nga detyra u bë nga prokurorja e përgjithshme e përkohshme Arta Marku, menjëherë sapo mori drejtimin e dikasterit të akuzës. Fill pas kësaj ai iu drejtua gjykatës, duke e akuzuar Markun për “shperdorim detyre”
Ceshtja me subjekt “kundershtim vendimi per mosfillim procedimi” u ndoq nga gjyqtarja Joana Qeleshi.
Dritan Gina, i pranishëm në seance paraqiti ankimin e tij për këtë cështje. Gina tha se prokuroria e Durresit nuk ishte kompetente për të kryer këtë hetim lidhur me materialin kallëzues që ka paraqitur, pasi më herët ka punuar këtu, ndërsa më pas në Tiranë, nga ku u transferua në Elbasan si prokuror rrethi.
Por, si gjykatë më e afërt ceshtja u transferua në Durrës, cka beri që Gina të kerkojë prishjen e fillimit të hetimit nga prokuroria e Durrësit dhe fillimin e hetimit nga një prokurori tjeter.
“Kallëzimi kundrejt Markut për “shperdorim detyre” ka ardhur për shkak të cenimit të integritetit të tij personal por edhe profesional”- tha ai.
Ndërkaq prokurorja e cështjes rrëzoi pretendimet e Ginës, duke pohuar se prokuroria e Durrësit i ka te gjithe kompetencat e duhura ligjore për ta ndjekur dhe shpallur vendimin per mosfillim procedimi, pasi nuk ka elementë penal qe verifikojne akuzën e shperdorimit të detyres.
Pasi dëgjoi pretendimet e palëve trupi gjykues vendosi të rrëzojë pretendimin e akuzuesit Gina për konflikt interesi me këtë prokurori, duke pranuar kërkesën e prokurorisë, atë të mos fillimit të cështjes kundrejt kryeprokureres Arta Marku. Kjo ceshtje sipas trupit gjykues duhet të ndiqet nga gjykata administrative dhe jo nga e shkallës së pare.
Dritan Gina më heret e ankimoi shkarkimin e tij nga detyra në gjykatën e Tiranës. Kjo gjykatë shpalli vendimin për mosfillim të çështjes penale per kryeprokuroren Arta Marku, duke ia referuar dosjen Gina prokurorisë së Rrethit Durrës për ndjekje të mëtejshme.
Cfare tha Gina ne seance
Dritan Gina: “Se pari: Prokuroria nuk kishte kopetence per kryerjen e hetimit, pra te hetoj materialin qe une kam paraqitur ne lidhje me prokuroren e pergjitheshme te perkoheshme Arta Marku. Por nje prokutori tjeter pasi ka qene pjese vete e kesaj prokurorie. Dhe se dyti: prokurori (anita jella) qe po merret me hetimin ka lidhje shoqerore me prokutoren e pergjitheshme Arta Marku. Ato kane mbaruar shkollen bashke, madje kane qene shoqe te se njejtes klase. Largiminim eshte bere ne menyre arbitrare, pasi une nuk isha larguar apo kisha kerkuar doreheqe dhe prokutoria e elbasanit mbeti pa drejtues”.
Reagimi i Prokurores
Prokurorja, Anita Jella: “Mungojne elementet e vepres penale te shperdorimit te detyres nga Arta Marku. Gina ka ushtruar fuksionin e drejtuesit te prokurorise se elbasanit dhe eshte kerkuar te rikthehet si prokutor i perhershem ne prokurorine e Tiranes. Sa i perkete faktit se kam qene ne nje grup ne shkollen e magjistratures me Arta Markun nuk perben shkak per tu terhequr nga kjo ceshtje. Ne si organi i akuzes kerkojme rrezimin e ankimin te bërë nga prokurori Dritan Gina në lidhje me shkarkimin e tij si drejtues i Prokurorisë së Elbasanit, nga prokurorja e përgjithshme e përkohshme Arta Marku./Panorama/a.m.
