Një grua 71-vjeçare që rezultoi me Covid-19, pas dy javësh ka dalë nga intubimi. Top Channel raporton se 71-vjeçarja është mbajtur dy javë me frymëmarrje të drejtuar në spitalin. ‘Covid 2’.
Para 24 orësh 71-vjeçares i është hequr aparatura, ruan parametra të stabilizuara. 71-vjeçarja është pacientja e parë me Covid-19 që del nga intubimi në vendin tonë.
Dje janë testuar 236 persona të dyshuar nga të cilët 45 janë personel shëndetësor, kryesisht në spitalin e Shkodrës. Nga rezultatet e testimeve janë konfirmuar 8 raste pozitive me COVID-19, prej të cilëve 6 raste në Tiranë, 1 personel shëndetësor në Shkodër dhe 1 personel shëndetësor në Kukës.
Deri në këto momente janë testuar 4306 raste të dyshuara dhe prej tyre janë të konfirmuar pozitivë me COVID-19, 475 raste.
Sipas MSH-se nga prirja e pozitivitetit të mostrave të testuara tregon nje qendrueshmëri të rasteve të konfirmuara, kryesisht gjatë dy javëve të fundit. 24 qytetarë nuk e kanë fituar betejën me COVID-19, megjithë përpjekjet e jashtëzakonshme të personelit shëndetësor.
g.kosovari
