“Pa ta, PD nuk do ishte…”, Berisha rreshton emrat e servilëve ndaj tij: E meritojnë!

I ftuar sonte në studion e “Opinion”, kryetari i Partisë Demokratike Sali Berisha. Pyetja e parë që moderatori Blendi Fevziu i shtroi ishte “pse nuk ka figura të reja në PD?” E përpos kësaj, pse një pjesë e emrave janë lënë jashtë listave zgjedhore?

Për t’ju përgjigjur, kryedemokrati rreshtoi një sërë personazhesh që sipas tij meritojnë të jenë pjesë e këtij rrugëtimi që synon fitoren, sepse kanë kaluar në një proces të vështirë.

“PD kaloi në një kalvar të padëgjuar ndonjëherë, ekzistence ose jo…Këta njerëz u rreshtuan në krahun e ekzistencës së një partie politike jashtë kontrollit të Edi Ramës, ambasadës apo tjetër kujt. Flamur Noka, Oerd Bylykbashi, Albana Vokshi, Belind Këlliçi, Besart Xhaferri, Edmond Spaho, Ivi Kaso e të tjerë e një grup i tërë u përballën ama në zgjedhjen e tyre.

Zgjodhën të mbështesnin një kauzë që zgjodhi Berisha. Pa mbështetjen e këtyre individëve, PD-ja nuk do ishte kurrë një forcë siç është sot, por një shtojcë, një fasadë e opozitës. Opozita sovrane nuk është çështje partie, por themelore e pluralizmit. Eee po ju keni qenë…Kanë qenë more, por meritojnë nderimin më të madh se kaluan një proces”, tha Berisha.

Vuri theksin edhe te aftësitë e tyre organizative, si element thelbësor për zgjedhjet parlamentare.

Sali Berisha: Përveç kësaj, këta dhe disa të tjerë ishin njerëz me fuqi organizative, që është aspekt kryesor në zgjedhje. Duhet të merrte dikush përgjegjësi. Së dyti, po në listën e mbyllur janë një pjesë e mirë e tyre. Në çdo qark..

-3 të parët e qarkut të Tiranës nuk i ke. Mungon Tabaku!

Sali Berisha: I pari i listës së Tiranës është Balliu. Hysen Kadiu kisha dëshirë të ishte në listën e mbyllur, por duke pasur parasysh 4 vende u zunë nga aleatët, 5 ose 6 ishin ekzoficio. Tiranës i mbetën vetëm 2 vende, udhëheqësi Belind Këlliçi dhe Balliu. Sikur mundësia më e vogël të ishte, absolutisht do të ishte Kadiu.

-Ju latë jashtë zëdhënësen Floriana Garo. Cili ka qenë kriteri i saktë?

Sali Berisha: Zëdhënësi i partisë në statut nuk është ekzoficio në listë.