Presidentja e Kosovës Vjosa Osmani, deklaroi gjatë një konference të përbashkët për shtyp me presidentin Meta, se Prishtina e ka të qartë orientimin pro-perëndimor.
Ajo tha se objektivi i Kosovës është anëtarësimi në NATO dhe Bashkimin Evropian si dhe është e vendosur për të ruajtur stabilitetin në rajon.
“Objektivi ynë i qartë mbetet anëtarësimi në strukturat Atlantike në Bashkimin Evropian. Kosova po përgatit aplikimin për marrjen e statusit të vendit kandidat në BE në fund të këtij viti.
Për sa i përket NATO-së duhet të bëjmë hapa më të mëdha përpara. Në momentin që Shqipëria është bërë pjesë e NATO-s, siguria në rajon është rritur dhe në momentin që dhe dhe Kosova do të bëhet pjesë kjo siguri do të shtohet edhe më shumë. Kosova e ka të qartë orienimin e saj pro-perëndimorë.
Gjithmonë Kosova ka qenë dhe mbetet në anën e duhur të historisë siç po bën këto kohë. Jemi të vendosur për stabilitetin në rajon”, tha Osmani.
/e.d
