Operatori i Shpërndarjes së Energjisë Elektrike, OSHEE, njofton se gjatë kryerjes së punimeve në zonën e ish-Bllokut, firma “Kevin Construction” ka dëmtuar një kabëll elektrik, duke shkaktuar kështu probleme me furnizimin me energji elektrike në këtë zone.
Nisur nga kjo situatë e papërgjegjshme, OSHEE ka marrë të gjitha masat për vënien para ligjit të firmës duke depozituar kallëzim penal në polici.
Nga ana tjetër, në terren ndodhen grupet e punës të cilat po punojnë intensivisht për riparimin e defektit dhe rikthimin sa më shpejt të energjisë elektrike tek abonentët e prekur nga ky incident.
Aktualisht janë jashtë pune 3 kabina elektrike që furnizojnë zonën pranë kinema “Agimi”.
