Një aksident i rëndë rrugor është regjistruar mëngjesin e sotëm në aksin Korçë-Pogradec, pranë fshatit Bulgarec, ku një person ka humbur jetën.
Sipas informacionit paraprak të policisë, ngjarja ka ndodhur rreth orës 07:10, kur një automjet me drejtues shtetasin D. M., rreth 30 vjeç, punonjës policie jashtë shërbimit, është përplasur me një biçikletë që drejtohej nga shtetasi R. A., rreth 60 vjeç.
Si pasojë e përplasjes, 60-vjeçari ka humbur jetën në vendngjarje.
Ndërkohë, drejtuesi i automjetit është dërguar në spital, ku po merr ndihmë mjekësore dhe ndodhet në gjendje të rëndë shëndetësore.
Në vendngjarje kanë mbërritur grupi hetimor dhe Agjencia e Mbikëqyrjes Policore (AMP), të cilët, nën drejtimin e Prokurorisë, kanë nisur hetimet për të përcaktuar rrethanat dhe shkaqet e aksidentit.
Hetimet vijojnë për zbardhjen e plotë të dinamikës së përplasjes.
Ja si shperblehet fermeri i shkrete se ne vend qe shteti tja marre qumeshtin tek shtepia si gjithe bota,ai i shkreti e con dere me dere ne neper qytet derisa me ne fund gjeti vdekjen.Shteti ku eshte?