Operatori i Shpërndarjes së Energjisë Elektrike konstaton një numër në rritje të bizneseve që po bëhen pjesë e skemave lehtësuese të shlyerjes së borxheve të prapambetura.
Që prej tetorit kur filloi zbatimi i skemës së re, janë 2097 subjekte që kanë firmosur aktmarrëveshjet me kompaninë.
1459 biznese kanë përfituar reduktimin e vlerës së kamatëvonesës në masën 50% duke paguar plotësisht detyrimin e mbetur.
Abonentët familjarë vijojnë të shfrytëzojnë mundësinë e futjes në skema të shlyrjes me këste të borxheve të prapambetura.
Në një muaj janë firmosur 8025 aktmarrëveshje prej abonentëve familjarë. 4849 prej tyre kanë mundur të përfitojnë uljen me 70% të vlerës së kamatëvonesës duke e shlyer plotësisht detyrimin ndaj OSHEE-së.
Me këtë rast, Operatori i Shpërndarjes së Energjisë Elektrike i bën thirrje debitorëve familjarë dhe bizneseve, të shfrytëzojnë mundësinë e pagesës me këste dhe të uljes së kamatës nga 50 deri në 70%.
