Prezenca e OSBE reshtohet krah ambasadave amerikane, gjermane dhe britanike teksa përshëndet dënimin e Emiljano Shullazit dhe bashkëpunëtorëve të tij.
Përmes një komunikate për opinionin publik, OSBE shprehet se është inkurajuar nga operacionet e fundit të policisë dhe thekson mbështetje për luftën kundër krimit.
“Prezenca e OSBE-së mirëpret vendimin e gjykatës për çështjen Shullazi.
Gjithashtu, jemi të inkurajuar nga operacionet e muajve të fundit kundër krimit të organizuar dhe, së bashku me qytetarët shqiptarë që respektojnë ligjin, presim të shohim më shumë arrestime dhe dënime të kriminelëve të rrezikshëm.
Mbështesim vendosmërinë e qeverisë së Shqipërisë për të përshkallëzuar luftën kundër krimit të organizuar dhe korrupsionit. Kriminelët e kanë vendin në burg!” – shkruan OSBE.
/b.s
