Ngjarja e rëndë kriminale me Fushë-Krujë, ku deri më tani janë konfirmuar se janë ekzkutuar 3 persona në autostradën kombetare, ka ngjallur reagimin e pare te politikës.
Deputeti i PD-së, Ervin Salianji deklaroi se krimi po godet brutalisht kudo pa patur frikë.
Sipas tij në mes të ditës në një prej rrugëve kombëtare u realizua një vrasje kriminale që për deputetin e PD është e përsëritur dhe po krijon panik dhe ankth te qytetarët.
“Krimi po godet brutalisht dhe kudo, pa pasur frikë, duke dhënë mesazhe dhe duke eleminuar cilindo që vendosin si target! Në mes të ditës, në një prej rrugëve kombëtare me më shumë levizje dhe në ditën më të ngarkuar!
Ngjarjet janë të përsëritura dhe po krijojnë panik dhe ankth tek qytetarët!
Partneriteti dhe ortakëria e qeverisë me krimin po sjell pasoja çdo ditë, kriminelët dhe banditët duhet të ndjejnë forcën më të ashper të ligjit, shtypja e krimit të organizuar duhet të bëhet pa mëshirë, fokusi duhet të vendoset tek banditët jo tek të dobëtit!
Punonjësit e thjeshtë të policisë kanë nevojë për mbështetje dhe vullnet, ne jemi me ta!”, thekson Salianji.
/e.d
