Katër persona janë vënë në pranga në ishullin e Kretës në Greqi, mes tyre dy shtetas grekë dhe dy shqiptarë, të cilët akuzohen për kultivim kanabisi.
Mediat vendase shkruajnë se lënda narkotike ishte mbjellë në një ullishte, në rrethinat e Agio Vasilios, që i përket distriktit të Rethimnos.
Forcat e policisë zbuluan 531 bimë, me lartësi deri një metër.
Ndërsa në cilësinë e provës materiale u sekuestruan një armë luftarake dhe një çifte gjahu, një shumë parash prej 1.000 eurosh, 9 telefona celularë, një automjet dhe pajisje të ndryshme që përdoreshin për kultivimin e kanabisit.
Dy shtetasit grekë me moshë 40 dhe 52 vjeç, si dhe dy shqiptarët, njeri 21 dhe tjetri 31 vjeç, do të dërgohen të premten në prokurorinë e Rethimnos.
Ndërsa ende nuk bëhen të ditur identitetet e personave të arrestuar.
