Përveç kauzës së saj, opozita e ka deklaruar hapur se me këtë protestë do të tregojë një provë force përballë mazhorancës. “Të hënën e tregojmë nëse jemi apo jo opozitë fasadë”, u tha Lulzim Basha kryetarëve të Partisë Demokratike në rrethe.
Dhe pikërisht nga rrethet janë nisur shumë qytetarë drejt Tiranës sot. Burime mediatike konfirmojnë se nga Lezha janë nisur rreth 1500 protestues, nga Shkodra rreth 1000, nga Fieri rreth 800, nga Korça 50, nga Dibra rreth 1500 protestues dhe nga Berati rreth 100 persona.
Ndërkohë Lulzim Basha në orën 9:00 ka thirrur në një mbledhje urgjente grupin parlamentar të Partisë Demokratike në seli.
a.ç
