• Kontakt
  • Kreu
  • Rreth Nesh
Sunday, November 8, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kosova

Opozita kosovare kërkon vota nga partitë në pushtet për ta rrëzuar qeverinë

by Java News
04/10/2018 08:33
Shperndaj ne FacebookShperndaj ne Twitter

Partitë opozitare në Kosovë, tash e disa muaj, në vazhdimësi kanë theksuar se qeveria aktuale e vendit është qeveri e pakicës dhe si e tillë nuk po mund t’i kryejë obligimet e veta, për të cilat ka marrë përgjegjësinë. Por, për një mocion mosbesimi të suksesshëm ndaj qeverisë, as partitë opozitare nuk kanë arritur t’i sigurojnë 61 votat e domosdoshme.

Megjithatë, partitë opozitare thonë se u nevojiten edhe 3 vota për një mocion mosbesimi ndaj qeverisë dhe kanë paralajmëruar se do të përpiqen që ato t’i sigurojnë nga deputetët e partive brenda koalicionit qeverisës.

Ditë më parë, liderët e Lidhjes Demokratike të Kosovës dhe Lëvizjes Vetëvendosje, Isa Mustafa dhe Albin Kurti, janë takuar dhe kanë shprehur gatishmërinë e intensifikimit dhe koordinimit të bashkëpunimit opozitar.

Deputetja e Kuvendit të Kosovës nga Lëvizjes Vetëvendosje, Arbërie Nagavci, thotë për Radion Evropa e Lirë se në situatën e tanishme, zgjidhja e vetme është të vendi të shkojë në zgjedhje të parakohshme parlamentare.

“Si parti opozitare, e kemi intensifikuar bashkëpunimin edhe me subjektet tjera, në mënyrë që sa më parë të krijojmë një mundësi që të kemi një dorëheqje të qeverisë dhe të shkojmë në zgjedhje të reja. Duke ditur që nevojiten edhe disa vota nga ndonjë prej subjekteve që janë në koalicion qeverisës, angazhimi jonë është që t’i gjejmë edhe tri vota që na nevojiten për ta rrëzuar qeverinë. Por, në anën tjetër, tashmë ka çarje edhe në mes vetë koalicionit qeverisës dhe duket që gjasat për zgjedhje janë shumë të mëdha”, tha Nagavci.

Por, Bilall Sherifi, deputeti i Kuvendit të Kosovës nga Nisma Socialdemokrate, parti kjo e cila është brenda koalicionit qeverisës, thotë se subjektit të tij politik, deri më tash askush nuk i është drejtuar për të shqyrtuar eventualisht çështjen e mocionit të mosbesimit ndaj qeverisë.

“Ajo që unë mund të them është që Nisma dhe deputetët e saj do të veprojnë sipas vendimeve që i merr kryesia e Nismës. Në kryesi të Nismës nuk kemi ndonjë kërkesë për të shqyrtuar çështjen e mocionit. Përderisa nuk ka kërkesë të arsyetuar dhe të argumentuar, sipas bindjeve të atyre që mund të fillojnë një mocion për ndërprerjen e mandatit , unë nuk mund ta paragjykoj as vendimin e kryesisë. Unë personalisht, si deputet i Nismës, konsideroj që nuk është koha që tani t’i ndërpritet mandati i kësaj qeverie dhe të ndërpritet në gjysmë puna e kësaj legjislature”, u shpreh Sherifi.

Në anën tjetër përfaqësuesit e Listës Serbe, të cilët kanë thënë se janë tërhequr nga koalicioni qeverisës dhe megjithatë kanë vazhduar, siç e kanë quajtur ata “punën teknike” në dikasteret e ndryshme qeveritare, nuk kanë dashur që të deklarohen nëse kanë qenë të kontaktuar nga partitë opozitare lidhur me shqyrtimin e ndonjë mocioni të mosbesimit ndaj Qeverisë.

Për më shumë, deputetja Nagavci ka thënë se votat për një mocion të tillë, nuk janë të interesuar që t’i kërkojnë nga Lista Serbe.

“Ne jemi të interesuar që votat t’i gjejmë në mesin e deputetëve, të cilët nuk janë nga Lista Serbe, por të cilët janë deputetë të partive që janë në qeverisje, por që tashmë e kanë të qartë që sa më parë të shkojmë në zgjedhje aq më mirë është për vendin, sepse duhet të kemi institucione të besueshme, të cilat duhet të marrin përgjegjësi për të çuar përpara proceset e rëndësishme në të cilat ndodhemi”, theksoi Nagavci.

Sidoqoftë, partitë opozitare numërojnë 56 deputetë në Kuvendin e Kosovës. Ndërkohë që Qeveria e Kosovës ishte formuar me votën e 61 deputetëve, përfshirë edhe votat e 10 deputetëve të Listës Serbe, e cila ka thënë se kanë braktisur Qeverinë.

Partitë në pushtet, llogaritur ato shqiptare dhe pakicave joserbe, përbëjnë një grup prej 49 deputetësh, që nuk paraqet shumicën në Kuvendin e Kosovës.

a.ç

Next Post
Petritsch mendon se çështja e Kosovës s’duhet të jetë konflikt i ngrirë

Petritsch mendon se çështja e Kosovës s’duhet të jetë konflikt i ngrirë

Leave a Reply Cancel reply

Your email address will not be published. Required fields are marked *

TË FUNDIT

Presidenti Herzog i beson Gadi Eisenkotit mandatin për formimin e qeverisë së re të Izraelit

Presidenti Herzog i beson Gadi Eisenkotit mandatin për formimin e qeverisë së re të Izraelit

November 8, 2026
Terrori në rrugët e Krakovit, shkon në 9 numri i të vrarëve, 15 të plagosur, autori ekzekutoi prindërit dhe motrën para sulmit

Terrori në rrugët e Krakovit, shkon në 9 numri i të vrarëve, 15 të plagosur, autori ekzekutoi prindërit dhe motrën para sulmit

November 8, 2026
Rama prezanton “pasqyrën e Dialogut” në rrjetet sociale: Ura e re për pyetje, kritika dhe propozime

Rama prezanton “pasqyrën e Dialogut” në rrjetet sociale: Ura e re për pyetje, kritika dhe propozime

November 8, 2026
Drejtuesit politik të PS, Andoni: PD në Fier e ka të vështirë! Me kandidimin jashtë liste, Rama i dha një mësim opozitës

Etnografia absurde e komunikimit Rama-Berisha?!

November 7, 2026
Sherr mes dy grupeve në Vlorë, policia qëllon me armë në ajër për të ndaluar një prej tyre! Shoqërohen të gjithë në Komisariat, s’ka të lënduar

Sherr mes dy grupeve në Vlorë, policia qëllon me armë në ajër për të ndaluar një prej tyre! Shoqërohen të gjithë në Komisariat, s’ka të lënduar

November 7, 2026
Një skandal dhe kapërcim shumë i madh ligjor, etik dhe deantologjik nga prokurorët Dado dhe Dumani

Pa popull me vete dhe shih si zihen…

November 7, 2026
“Të bashkohemi pavarësisht kundërshtive”- Berisha thirrje partive opozitare: E keqja e ka emrin Rama! Studentët dhe qytetarët…

“Të bashkohemi pavarësisht kundërshtive”- Berisha thirrje partive opozitare: E keqja e ka emrin Rama! Studentët dhe qytetarët…

November 7, 2026
“Pesë persona në spital, u tremba se…”- Zjarri në Lezhë, administratori i pallatit: Flakët nisën nga kati i parë, zjarrfikësit erdhën në kohë!

“Pesë persona në spital, u tremba se…”- Zjarri në Lezhë, administratori i pallatit: Flakët nisën nga kati i parë, zjarrfikësit erdhën në kohë!

November 7, 2026
“Nuk ka krim më të shëmtuar, e la vendin pa opozitë”- Avokati Beqiri: Berisha po saboton hyrjen e Shqipërisë në BE!

“Nuk ka krim më të shëmtuar, e la vendin pa opozitë”- Avokati Beqiri: Berisha po saboton hyrjen e Shqipërisë në BE!

November 7, 2026
Superliga/ Tirana fitore në “frymën e fundit” ndaj Teutës!

Superliga/ Tirana fitore në “frymën e fundit” ndaj Teutës!

November 7, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In