Deputetja e PD Rudina Hajdari ka sulmuar ashpër nga foltorja e Kuvendit deputetin e PS Damian Gjiknuri, lidhur me Reformën Zgjedhore. Sipas saj, komisionit për Reformën Zgjedhore i ka mbaruar mandati dhe se deklaratat e Gjiknurit në drejtim të “opozitës së vjetër” siç e cilësoi ajo, janë të papranueshme. “Kodi Zgjedhor duhet të ndryshojë. Të bëhet kandidimi me lista të hapura. Marrëveshjen për Kodin e Ri e keni bërë me opozitën e vjetër. Duhet të ndryshojmë sistemin zgjedhor. Marrëveshjen PS duhet ta kërkojë me ne, jo me ata që ikën”, deklaroi Hajdari.
“Neni 9 i Kushtetutës thotë se partitë politike nuk duhet të cënojnë parimet demokratike. Mendoj se duhet të ketë propozime të hapura që populli shqiptar të votojë në mënyrë të ndershme dhe të lirë. Duhet të kemi një ide të qartë për sa i përket financimit të partisë politike. Ky parim ishte dhe në raport po nuk është zbatuar asnjëherë.
Duhet të ketë një organizim ndryshe brenda partive politike. KQZ duhet të shohë se cfarë bëjnë këto parti në grupimet etyre për të parë nëse zbatohen rregullat. Duhet që të eleminojnë partitë e vogla që nuk kanë asnjë lloj funksioni dhe paguhen nga taksat e shqiptarëve dhe nuk bëjnë asgjë tjetër.
Te kodi zgjedhor duhet të depolitizojmë në mënyrë thelëbësorë administratën. Që këtu ne bëjmë tallje me popullin. Unë nuk do ulem në asnjë lloj komisioni për reformën e zgjedhore pa pasur eskpertët e OSBE dhe një përfaqësues të KQZ. Duhet të kemi një sistem cfarëdo por jo këtë aktual”, u shpreh Rudina Hajdari.
/a.meta
