Partitë opozitare janë duke zhvilluar përgatitjet e fundit para manifestimit të 28 Nëntorit kundër marrëveshjes së demarkacionit me Malin e Zi dhe Asociacionit me Serbinë, shkruan Koha Ditore. Të mërkurën përfaqësues të “Vetëvendosjes”, të AAK-së dhe të Nismës kanë vendosur në ndërtesën e Hotelit Grand një flamur me mbishkrimin “28 Nëntor manifestojmë për Republikën, kundër Zajednicës dhe marrëveshjes për demarkacionin me Malin e Zi”.
Nënkryetari i lëvizjes “Vetëvendosje”, Driton Çaushi, ka thënë se përmes këtij aksioni ftojnë qytetarët e Kosovës, që në mënyrë paqësore më 28 Nëntor të dalin dhe t’i kundërshtojnë marrëveshjet, duke festuar të njëjtën kohë edhe Ditën e Flamurit.
