Pas deklratës së së kreut të Partisë Demokratike, Lulzim Basha, për djegien e mandateve, Partia Socialiste ka zhvilluar ditën e sotme mbledhjen e Grupit Parlamentar.
Ndërkohë, të tjera detaje jnë zbulaura se çfarë ka folur kryeministri Edi Rama në lidhje me paralajmërimin e Bashës.
Mësohet se gjatë fjalës së tij në grup kryeministri Edi Rama ka falënderuar policinë për menaxhimin e protestës që sipas tij është gatuar për të nxitur dhune.
“Le ta përgëzojmë e falënderojmë te gjithë se bashku ministrin e brendshëm e përmes tij drejtuesit e punonjësit e Policisë se Shtetit, për menaxhimin e shkëlqyer te nje proteste te gatuar për dhune e per destabilizim. Kush kërkoi dhune u përball me një model krejt te ndryshëm sjelljeje te pushtetit ndaj protestuesve, përkundër modelit kriminal te atyre qe dje vranë protestuesit, sot duan te vrasin shpresën europiane te shqiptareve”- ka thënë Rama.
Kryeministri është shprehur gjithashtu se opozita dështoi ne orvatjen e saj te dëshpëruar dhe tani premton djegie mandatesh.
“Opozita dështoi me sukses te plote ne orvatjen e saj të dëshpëruar dhe tani premton djegie mandatesh. Nëse djegia e mandateve nuk është një tjetër ballo me maska e Lulzim Bashes, pra një çadër ne forme bojkoti para zgjedhjeve te qershorit, do te jete sidoqoftë e vështirë te realizohet konsensusi mes tyre. Dhe Lulzimi e di këtë, por luan blofin”- ka thënë Rama.
Kryeministri ka kërkuar që pavarësisht çfarë bën opozita, deputetët e mazhorancës duhet të ecin drejt dhe të organizohen për zgjedhjet vendore.
“Sidoqoftë ne do te ecim drejt, duke dëgjuar njerëzit, duke e përmirësuar çdo dite qeverisjen, duke u organizuar me mire se asnjëherë për zgjedhjet vendore. Hyjnë nuk hyjnë ata ne zgjedhje, (qe unë them qe do hyjnë pasi te bëjnë sikur nuk hyjnë deri ne minutën e fundit), ne duhet te fitojmë jo thjesht votat e shumicës, po zemrat e besimin e edhe me shume qytetareve se sa herën e shkuar”- ka thënë kryeministri.
Burime nga takimi bëjnë m dije për “BalkanËeb” se në mbledhjen e grupit të PS është ashtu se një grup pune i drejtuar kryetari i ligjeve Ulsi Manja dhe ministrja e drejtësisë Etilda Gjonaj, do të propozoje këto dite sanksione te forta ne rregulloren e kuvendit per deputetet qe përdorin dhune te çdo forme apo fjale të renda në parlament.
E.Xh./
