Seanca parlamentare ka nisur sot me interpelancën e deputetit Erjon Braçe për Ministrin e Bujqësisë Niko Peleshi. Ajo që ra në sy në nisje të seancës ishte mungesa e gjithë deputetëve të opozitës PD-LSI.
Fillimisht u raportua se opozita do të nisë bojkotin pas përplasjeve të fundit për çështjen e kryeprokurorit, por nuk pati asnjë konfirmim zyrtar.
Por, burimet nga opozita kanë saktësuar se deputetët do të kthehen në sallë sapo të përfundojë interpelanca. Opozita sipas burimit nuk bëhet pjesë e interpelancave qeveritare duke i cilësuar ato show.
Në seancën e sotme ndërkohë mungon kru i PD Basha. Ky i fundit ndodhet në Londër ku merr pjesë në një konferencë të partive të djathta për Sfidat e Ballkanit Perëndimor.
Seanca e sotme plenare nisi me betimin e deputetes së re të PDIU për qarkun e Elbasanit, Elena Xhina.
Kjo e fundit mori mandatin e deputetes pas dorëheqjes së deputetit dhe biznesmenit Bujar Muço.
/a.m.
