Policia ka arrestuar dy persona pasi akuzohen për kontrabandë mallrash. Në sajë të operacionit të koduar “Oskar”, janë arrestuar Bledar Ceka, 37 vjeç dhe Hasim Ceka, 64 vjeç, të dy banues në Tiranë.
Sipas policisë, këta persona dyshoheshin se në banesë mbanin mallra kontrabandë. Gjatë kontrollit të banesës së tyre, u janë gjetur dhe sekuestruar në cilësinë e provës materiale 300 steka cigareje të llojeve të ndryshme; solucion për larje automjetesh i amballazhuar në bidona 5 litra, 30 litra dhe në fuçi 200 litra.
Materialet proceduriale i kanë kaluar Prokurorisë Pranë Gjykatës së Shkallës së Parë Tiranë, për veprat penale “tregtimi i mallrave që janë kontrabandë” dhe “fshehja e të ardhurave”/ a.k
