Në fillim duhej zgjidhur çështja Douglas Costa e më pas të niste operacioni “Chiesa”. Një operacion “mission impossible” por që duket se në fund foli në favor të kampionëve të Italisë.
Sulmuesi I Fiorentinës dhe Italisë, Federico Chiesa pritet të mbërrijë sot në Torino për tu bërë futbollisti më I ri I Juventusit.
Sipas asaj që meson “Corriere dello Sport”, Fiorentina pretendon të fitojë deri në 60 milionë euro nga kjo lëvizje, ndërsa gazeta meson se, futbollisti kalon në formë huazimi te Juventus, për dy vjet. 2 milionë euro në vitin e parë, 8 milionë në vitin e dytë e më pas e drejtë blerjeje e plotë për 40 milionë euro, gjë e cila duhet bërë duke plotësuar këto kushte: Juventus në Champions League, Chiesa të marrë pjesë në 60% të ndeshjeve dhe të realizojë minimum 10 gola dhe 10 asist.
Më pas, Chiesa do të firmosë një kontratë 5 vjeçare me 4 deri në 4.5 milionë euro neto në sezon.
