Goditet një tjetër rast i tentativës për të trafikuar lëndë narkotike me gomone në drejtim të Italisë.
Nëpërmjet një bashkëpunimi Shqipëri-Itali, “Frontex”, një tjetër gomone me lëndë narkotike që drejtohej nga dy shtetas shqiptarë.
Gjatë operacionit u bë e mundur që 20 milje në afërsi të San Cataldos në Lecce, të bllokohej gomonia 6 metra e gjatë me dy shqiptarë në bord.
Gjatë ndjekjes dy skafistët dyshohet se e kanë hedhur lëndën narkotike në det.
Dy skafistët shqiptarë B.H 48 vjeç, banues në Vlorë dhe E.N. 31 vjeç, banues në Vlorë, janë arrestuar nga Guardia di Finanza për veprën penale “Trafik ndërkombetar i lëndëve narkotike”.
Lënda narkotike e hedhur në det është grumbulluar nga policia ku gjithsej kanë qenë 28 pako të mëdha me peshë totale 506 kg.
Policia e Shtetit në bashkëpunim me Policinë italiane, po punojnë për zbardhjen e plotë të këtij rasti trafiku, si dhe për kapjen e bashkëpunëtorëve të tjerë në të dy vendet.
