Teatri Kombëtar i Operës, Baletit dhe Ansambli Popullor do të rifillojnë së shpejti aktivitetet artistike, ku në 21 janar do të vihet në skenë premiera e parë për këtë vit “Rigoletto” e Giuseppe Verdit.
Artistë shumë të talentuar shqiptarë dhe të huaj do të interpretojnë në këtë produksion me regjinë e Nikolin Gurakuqit dhe dirigjimin e Juan Manuel Busto. Opera do të shfaqet për publikun në datat 21, 23, 24 dhe 25 Janar 2016.
Opera tjetër për këtë sezon do të jetë “I Capuleti e i Montecchi” nga V. Bellini. Historia e dashurisë e Romeo dhe Xhulietes do të shfaqet për publikun në muajin Mars dhe do të ketë një kast të zgjedhur artistësh për të sjellë një shfaqje realisht të bukur dhe cilësore të drejtuar nga regjisorja Ailyn Bozok.
Nuk do të mungojnë premierat edhe për baletin, ku në muajin shkurt do të vendoset në skenë “Arrëthyesi”, baleti i bukur klasik me muzikë të Tchaikovskyt. Megjithatë baleti do të zërë një vend shumë të rëndësishëm në këtë kalendar. Baletet që janë tashmë pjesë e repertorit do të sillen sërisht për publikun shqiptar. Do të rikthehet “Ballo e Diplomës”, “La Sylphide”, baletet klasik që mund të ndiqen nga të rritur dhe fëmijë, por nuk do të mungojnë edhe pjesët koreografike moderne dhe emrat e njohur. Do të rikthejmë Angelin Preljocaj me La Stravaganza & Noces si dhe Daniel Cardoson me “4 Pieces” dhe “Impact & Table”. Gjithashtu këtë sezon trupa jonë e baletit do të jetë sërish e angazhuar në një turne 1 javor në Serbi me La Stravaganza & Noces.
Në fushën koncertore do të vazhdojë cikli, i cili ka si synim të ringrejë Orkestrën e Dhomës së TKOB, si dhe të sjellë për publikun muzikën e dhomës. Cikli qe u hap në Dhjetor të 2015, do të vazhdojë në Janar dhe në Prill 2016 duke iu përmbajtur konceptit të angazhimit të instrumentisteve të TKOB, solistëve por edhe këngëtareve lirik që kanë qënë pjesë e masterklasit të mbajtur në TKOB. Gjithashtu nuk do të mungojnë emra të njohur të skenave botërore shqiptare dhe të huaj.
Koncertet do të jenë të shumta edhe këtë sezon ku do të kemi 9 koncerte të cilet do të ngjisin në skenë interpretues të ndryshëm, instrumentiste dhe këngëtarë lirik, shqiptarë dhe të huaj.
Ansambli Popullor do të sjellë surpriza këtë sezon. Nën drejtimin e Drejtorit të ri Artistik, Gerti Druga, shfaqjet e Ansamblit tonë do të sjellin krijimet e bukura popullore në një mënyrë krejt të re, me një koncept ndryshe nga ç’kemi parë deri tani, pra me plot surpriza të cilat do të zbulohen me koncertin e parë premierë në 18 Shkurt dhe do të vazhdojnë përgjatë sezonit me 4 koncerte të tjera.
Duke patur si qëllim rritjen artistike të artistëve dhe në vazhdim të masterklasit që u iniciua nga Ermonela Jaho në Tetor të 2015, një tjetër masterklas do të organizohet për këngëtarët lirikë nën drejtimin e Angelo Gabriellit, dhe ashtu si herën e parë edhe këtë herë do të finalizohet me një koncert përmbyllës.
Kalendari i shfaqejeve ne TKOBP
Janar 2016
Datë 21, 23, 24, 25 Janar 2016, Ora 19:00
OPERA “RIGOLETTO” G.VERDI
Dirigjent:J.Manuel Busto
Regjizor:Nikolin Gurakuqi
Solistë:L.Kazani,V.Kamenica, G.Abduladze, Y.Gjini, J.Ysmanov, A.Kllogjeri, E.Marchesini, R.Tullumani, Z. Abazi, I. Hoxha, O.Islami
Datë 22 Janar 2016, Ora 12:00
EDUKIMI PËRMES ARTIT
Ansambli Popullor në Holl
Datë 22 Janar 2016, Ora 19:00
KONCERT NË HOLL
Soliste: Manjola Trebicka
Datë 28, 29 Janar 2016, Ora 19:00
BALETI “LA STRAVAGANZA&NOCES”
Koreografia: Angelin Preljocaj
Interpreton:Trupa e Baletit e TKOB
Datë 30 Janar 2016, Ora 19:00
KONCERT I ORKESTRËS SË DHOMËS SË TKOB
Dirigjent: Angelo Gabrielli
Solistë: Dorina Selimaj, Enkelejda Kamani, Klodjan Kaçani
Me pjesëmarrjen e vecantë të solistes Enkelejda Shkoza
Datë 31 Janar 2016, Ora 19:00
KONCERT NË HOLL
“Lirikë Shqiptare për Tonin Arapin”
Solistë: M.Leka, K.Kaçani, E.Gjyzeli,
Pianiste: Lindita Kotorri
Kuarteti i harqeve
Violonçel: Kujtim Vorpsi
Shkurt 2016
Datë 12, 14, 15, 16 Shkurt 2016, Ora 19:00
BALETI “ARRËTHYESI”
Koreografia: Ilir Kerni
Muzika :P.I.Tchaikovky
Interpreton: Trupa e Baletit e TKOB
Datë 17 shkurt 2016, Ora 19:00
KONCERT I ANSAMBLIT POPULLOR
“Pavarësia e Kosovës”
Datë 18 Shkurt 2016, Ora 19:00
Koncert i Ansamblit Popullor në kuader të PAM
Datë 19 Shkurt 2016, Ora 19:00
KONCERT RECITAL ME PIANO (HOLL)
Vepra të albumit “Epik”
Kompozitor: Red Radoja
Solist: Red Radoja
Datë 20 Shkurt 2016, Ora 19:00
KONCERT SIMFONIK
Solist: Kristi Gjezi
Dirigjent: Edmond Doko
Date 24, 25 Shkurt 2016, Ora 19:00
BALETI “BALLO E DIPLOMES”
Koreografia Ilir Kerni
Muzika: J.Strauss
Interpreton: Trupa e baletit e TKOB
27 Shkurt 2016, Ora 19:00
KONCERT SIMFONIK
Dirigjent e Solist: Christian Lindberg
Mars 2016
Datë 04, 06 Mars 2016, Ora 19:00
“MESSA” G.PUCCINI
Dirigjent: Olsi Qinani
Soliste: J. Ysmanov, A.Likaj
Me pjesëmarrjen e Korit të TKOB
Datë 09, 10 Mars 2016, Ora 19:00
BALETI “IMPACT&TABLE”
Koreografia: Daniel Cardoso
Interpreton: Trupa e Baletit e TKOB
Datë 12 Mars 2016, Ora 19:00
KONCERT I ANSAMBLIT POPULLOR
Datë 16 Mars 2016, Ora 19:00
KONCERT I ANSAMBLIT POPULLOR
me rastin e dites se veres
Datë 20, 24, 26, 27 Mars 2016, Ora 19:00
(Datë 18 Mars 2016, provë gjenerale e hapur për publikun)
OPERA “I CAPULETI E I MONTECCHI”
V.BELLINI
Dirigjente: Elda Laro
Datë 22 Mars 2016, Ora 19:00
KONCERT
Orkestra e Podgoricës në TKOB
Date 28-31 Mars 2016
MASTERKLAS
ANGELO GABRIELLI & ELDA LARO
Prill 2016
Datë 02, 03 Prill 2016, Ora 19:00
BALETI “LA SYLPHIDE”
Koreografia: Ilir Kerni
Muzika: Herman Loveskiold
Interpreton : Trupa e Baletit te TKOB
Datë 05 Prill 2016, Ora 19:00
Trupa Italiane e Baletit nga kompania “Alterballeto” në skenën e TKOB
Datë 09 Prill 2016, Ora 19.00
KONCERT I ORKESTRËS SË DHOMËS SË TKOB
KISHA ORTODOKSE
Date 08- 13 Prill 2016
BALETI “LA STRAVAGANZA&NOCES”
Trupa e Baletit të TKOB në Serbi
Datë 22, 23 Prill 2016, Ora 19.00
BALETI ”4 PIECES”
Koreografia: Daniel Cardoso
Interpreton: Trupa e Baletit e TKOB
