Greqia është alarmuar nga prania e variantit të ri Omicron në Shqipëri. Mediat në shtetin helen i kanë kushtuar vëmendje lajmit që u bë i ditur një ditë më parë në vendin tonë.
Cnn.gr e nis shkrimin me titullin “Omicron pushton Shqipërinë”.
Më tej në artikull media greke shkruan se regjistrimi i dy rasteve të para të variantit Omicron të Sars-COV 2 u njoftua të enjten nga Komiteti Teknik i Ekspertëve në kuadër të pandemisë së COVID në Shqipëri.
Zv/ministrja e Shëndetësisë Mira Rakacolli gjatë një konference për shtyp siguroi se për momentin situata epidemiologjike është e qëndrueshme.
Eugena Tomini, drejtoreshë e Institutit të Shëndetit Publik theksoi se varianti Delta vijon të jetë më dominues.
“Ato u bënë thirrje qytetarëve të vaksinohen kundër COVID, duke kujtuar se të gjithë ata që janë mbi 18-vjeç kanë të drejtë të marrin një dozë përforcuese nëse e kanë bërë dozën e dytë deri në 6 muaj përpara. Silva Bino u shpreh se përqindja e popullsisë së vaksinuar është 40% dhe në dy javët e fundit është shënuar një rritje e vogël”, vijon shkrimin Cnn.gr.
g.kosovari
