Mbrëmjen e djeshme mes të ftuarve në emisionin “Të Vaksinuarit” nga Aulon Kalaja në Fax News kanë qenë, ish zëvendës kryeministri Gazment Oketa i cili është aktualisht anëtar i Këshillit Kombëtar të PD, aktori dhe anëtari i Këshillit Kombëtar të PD, Julian Deda dhe kreu i komanduiar i PD në degën e Shijakur, Red Varaku.
Të tre personalitetet janë pyetur në lidhje me mundësinë që të kandidonin në zgjedhjet e pjesshme lokale për bashkitë e Durrësit, Shkodrës dhe Shijakut.
Ka qenë Oketa ai i cili ka refuzuar kategorikisht një mundësi të tillë, ndërsa Deda dhe Varaku u shprehën se do e mirëprisnin një vendim të tillë nëse do t’u kërkohej nga demokratët.
Moderatori, Aulon Kalaja: A jeni i gatshëm të garoni për bashkinë e Durrësit?
Oketa: Mos kini asnjë pikëpyetje, në asnjë rast nuk do jem kandidat në këto zgjedhje sepse unë nuk dua personalisht.
Moderatori, Aulon Kalaja: A do kandidoni për Shkodrën?
Aktori dhe anëtari i Këshillit Kombëtar, Julian Deda: Nëse do duan demokratët jam i gatshëm të shkoj edhe në hënë, kjo as nuk diskutohet.
Kalaja: A jeni i gatshëm të kandidoni për bashkinë e Shijakut?
Anëtar i Këshillit Kombëtar dhe kryetar i komanduar i PD në Shijak, Red Varaku: Unë kam prej 96 në partinë Demorkatike, jam i gatshëm kudo që të më dërgojnë. Në Shijak PD është e tronditur nga ajo që ka parë. Njerëzit janë hezitues shumë ndaj asaj që është krijuar. Presin të shohin në të ardhmen nëse do ketë një rikthim të PD. Por janë shumë hezitues. Janë shumë të prirur ndaj faktit që kush e ka vulën e PD.
/a.r
