Operacioni Forca e Ligjit ka vijuar dhe sot dërgimin e formularit për dy persona të tjerë, të cilët janë subjekt të ligjir të ashtuquajtur Anti-KÇK. OFL sot është ndalur në Krujë, ku i kërkon Flamur Hakës justifikimin e pasurisë pasi rezulton i dënuar për “vjedhje me dhunë”.
Më tej shtohet se personi i dytë që i është dërguar formulari është Talo Çela, i cili është dënuar për veprën penale “Trafikim i lëndëve narkotike”.
Kush është Flamur Haka
Ai është një emër i njohur për drejtësinë shqiptare. Flamur Haka njihet me nofkën “Tuku” dhe është pjesë e bandës famkeqe që vepron në këtë zonë që prej 1998-ës. Në shkurt të vitit 2008, ai është shpallur fajtor nga Gjykata e Krimeve të Rënda, e cila e ka dënuar me 16 vite burgim.
Por ai qëndroi në qeli vetëm 9 vjet, që nga momenti i arrestimit, pasi pjesën tjetër të dënimit e shleu me ulje të herëpashershme e më pas në liri me kusht. “Banda e Niklës” u godit gjatë një operacioni të zhvilluar në vitin 2005, ndërsa anëtarët ishin të akuzuar për 7 grabitje me dhunë, një rrëmbim personi dhe një atentat. Drejtuesi i këtij grupi ishte Flamur Haka, personi që ra në prangat e policisë dhe gjatë një operacioni të zhvilluar në Nikël në 2018.
Kush është Talo Çela
Ndërsa person ii dytë që duhet të justifikojë pasurinë është Talo Çela, i dënuar për “Trafik lëndësh narkotike”. Aktualisht ai është në kërkim nga policia i akuzuar si pjesë e grupit të grabijes së miliona eurove brenda aeroportit të Rinasit vitin e kaluar. Ai është pronar i vilës në periferi të Elbasanit, pranë së cilës u bë modifikimi i makinës me mbishkrimin hetimi tatimor që u përdor për të kryer grabitjen.
g.kosovari
