SPAK si një nga institucionet më të rëndësishme të drejtësisë së reformuar shënoi rekordin e parë të goditjes së të paprekshmëve në Shqipëri, duke hetuar për korrupsion ish-kryeministrin për dy mandate dhe politikanin më të pushtetshëm të të djathtës, Sali Berisha.
Krahas dhëndrit të tij Jamarbër Malltezi që përfitoi mijëra m2 tokë të ish-kompleksit Partizani ku ndërtoi 19 kulla shumëkatëshe me firmën e vjehrrit të tij kryeministër, pozita ligjore është e rënduar edhe për Sali Berishën nën hetim për korrupsion pasiv për këtë aferë. Berisha refuzon të zbatojë vendimin e gjykatës që i ka caktuar masën detyrim paraqitje dhe duke u fshehur pas imunitetit parlamentar pretendon se po shkelet Kushtetuta.
Prej 21 tetorit, Sali Berisha i ka shmangur kontaktet me oficerët e policisë gjyqësore për të marrë prej tyre dijeninë për caktimin e masës së sigurisë. Në 26 tetor GJKKO pranoi kërkesat e dy prokurorëve të SPAK-ut Arben Kraja dhe Enkelejda Millonai dhe vlerësoi të ligjshme masën ndaj Sali Berishës, në mungesë, pasi u përfaqësua nga një avokat kryesisht pasi avokatët e tij me prokurë të posaçmem braktisën seancën.
Sipas masës së caktuar nga GJKKO Berisha duhet të paraqitet para oficeres së policisë gjyqësore në SPAK, Adelajda Metaj të hënën e parë dhe të tretë të çdo muaji. Të hënën e parë të muajit, 6 nëntor, ish-kryeministri nuk u paraqit.
GJKKO ka refuzuar ndërkohë të gjitha kërkesat e avokatëve të Berishës për shuarje mase në datën 8 nëntor si dhe për përjashtimin e Irena Gjokës, kërkesë kjo e bërë dhe më herët. Hapi i radhës i mbrojtësve të tij është ankimimi në Apelin e Posaçëm duke argumentuar se është shkelur Kushtetuta seancë e cila ende nuk është caktuar.
Mirëpo, GJKKO në vendimin e zbardhur, ka specifikuar se ish-kryeministri ka dijeni për masën e caktuar ndaj tij dhe e ka pranuar verbalisht në konferencë për shtyp si dhe ka sqaruar përse nuk është marrë autorizimi nga Kuvendi.
Këtë të hënë, 13 nëntor, GJKKO do të bëjë një tjetër tentativë për të njoftuar ish-kryeministrin për masat në ngarkim të tij. Oficerët e GJKKO do tentojnë të njoftojnë Berishën pas disa refuzimeve nga ana e tij. Kjo pasi Sali Berisha duhet të paraqitet para oficeres së SPAK në datën 20 nëntor. Në rast se do të refuzojë edhe në këtë datë atëherë SPAK i lind e drejta për t’ju drejtuar Kuvendit për autorizim për rëndim të pozitës së tij duke kërkuar një masë më të rëndë siç mund të jetë ajo e arrestit në shtëpi.
/f.s
Këtë të hënë, do të jetë i shtruar në spital ku mjeku i preshit Tritan Shehu, do ta mbajë në reanimacion duke i ndaluar çdo kontakt, sepse “pacienti” Sali Berisha, do të jetë i sëmurë rëndë me ZGJEBE….
Me ne fund mbetja e komunizmit te diktatures duhet te kuptoi se nuk eshte i paprekshëm nga ligji nuk ka asgje qe ta mbroje as organizata e tij politike anti ligj rithemelimi dhe kelysht e tij nen sherbim ,ligji dhe drejtesia duhet te veprojne me guxim dhe me ashpërsi ndaj tij dhe cdo politikani te korruptuar qe e kane bere kete vend cope dhe jo vetem kaq por tju sekuestrohen miliardat e tyre dhe familjareve te tyre e tu jepet popullit ,bile ne SPAK te ngrihet nje trupe e veçante tip Task_Force vetem per hetimi e parave e te pasurive te tyre e te familjareve te tyre ne ofshore e jashte shtetit per nje periudhe 5 vjeçare
Hahaha.. nen hetim berisha. Dielli qe lind perendon.
Ai vetëm i vdekur shkon në Spak. Do hyjë në grevë urie dhe vetëm tezga bënë punë. Po më mirë në vënd të tij të marrin Mulin ose Tritanin dhe dhimbjen një lloj do ta ndjej. Me të ligun gjen belan