Ukraina pretendon se ka rimarrë më shumë se 1,000 km katrorë territor në jug dhe lindje të saj nga Rusia javën e fundit.
Presidenti Volodymyr Zelensky tha se zona ishte “çliruar” si pjesë e një kundërofensive që nga 1 shtatori.
Më shumë se 20 fshatra në rajonin e Kharkiv janë rimarrë.
Forcat ruse kanë kundërshtuar disa nga përparimet, të cilat nëse konfirmohen do të shënonin një fitore të rëndësishme për Ukrainën.
Në një postim të veçantë në Facebook, ushtria e Ukrainës pretendoi se vetëm në tre ditët e fundit trupat e saj kishin avancuar 50 km.
Nëse verifikohet, kjo do të shënonte lëvizjen më të shpejtë të vijës së frontit që nga tërheqja e shpejtë e forcave ruse nga pozicionet përreth kryeqytetit, Kiev, në mars./bbc/m.j
