Organizata Botërore e Shëndetësisë ka ndryshuar rekomandimet për mbajtjen e maskës, duke ulur moshën e personave prej të cilëve duhet mbajtur një e tillë.
Në konferencën për shtyp të mbajtur në Gjenevë,
OBSH ka rekomanduar që ndër masat për të kontrolluar pandeminë, maska duhet të mbahet edhe nga fëmijët, duke filluar që nga mosha 12 vjeçare.
Sipas OBSH, pas rekomandimeve që bëri publike sot në Gjenevë, fëmijët duhet të mbajnë maskë njësoj si të rriturit.
Kjo duhet të ndodhë, sipas OBSH, të paktën në ato raste kur nuk garantohet rregulli i distancimit për të paktën një metër.
Ky “ndryshim rregullash” rikthen dhe njëherë debatin për mbajtjen e maskës, në një kohë kur pandemia ka marrë përmasa globale dhe të gjitha përpjekjet janë të fokusuar te gjetja e vaksinës.
Shumë vende e kanë bërë të detyrueshme mbajtjen e maskës.
Suedia, sërish në ndryshim të madh, nuk e ka konsideruar të detyrueshme as për të rriturit mbajtjen e maskës.
Sakaq, debati po zhvillohet kohët e fundit për daljen e vaksinës. Gjithsesi, OKB paralajmëroi se pandemia do të zgjasë të paktën dy vite. Kaq zgjati edhe pandemia që mori më shumë jetë njerëzish e një shekulli më parë, i njohur si Gripi Spanjoll.
/a.r
