Godina gjashtë katëshe ku operon Drejtoria Rajonale Tatimore Tiranë është certifikuar si objekt i pabanueshëm si pasojë e dëmeve nga tërmeti i 26 nëntorit.
Me anë të një njoftimi, Drejtoria e Përgjithshme bëri me dije se punonjësit do të vijojnë detyrat funksionale por do të zhvendosen përballë shkollës Sabahudin Gabrani ne Tiranë.
Sa i përket tatimpaguesve që administrohen nga DRT Tiranë, për cdo kominikim duhet të dorëzojnë kërkesën në kutinë postale që ndodhet në ambientet e kësaj drejtorie.
Në atë vend do të menaxhohen dhe ofrohen shërbimet e të gjitha drejtorive të DRT Tiranë.
Menjëherë pas dëmit nga tërmeti i datës 26 nëntor, të gjitha shërbimet për tatimpaguesit janë ofruar pa ndërprerje në sportelet e shërbimit, në ambjentet e Drejtorisë së Shërbimit të Tatimpaguesit, Tiranë dhe do të vijojnë aty deri në një njoftim të dytë.
g.kosovari
