Kryetari i Partisë Demokratike, Lulzim Basha ishte sot në Durrës, ku para mbështetësve të tij u angazhua për të zgjidhur një borxh, që sipas tij nuk duhet t’ja kishin lënë Edi Ramës. Bëhet fjalë për procesin e legalizimeve.
Basha u shpreh se sapo të vijnë në pushtet do të konfiskojnë pasuritë e pushtetarëve të korruptuar, ndërsa akuzoi qeverinë se shkojnë si hajdutë për të blerë vota.
Kreu i PD u prit me brohoritje dhe thirrjet: “O Lulzim o hero, e gjithë Shqipërua ty te do”.
“Unë e di se problemet që kanë familjet tuaja janë shumëfishuar dhe shteti nuk ka qenë në krahun tuaj, por gjithmonë kundër jush. Kryeministri në ikje nuk ju ka parë për t’ju ndihmuar.
Shqetësimi për fëmijët tuaj do të jetë motivimi im.
Angazhimi jonë për të përfunduar një borxh që kemi ndaj jush, një premtim të pa mbajtur për 8 vite të Edi Ramës, por borxhi është i joni që nuk duhet t’ja kishim lënë kurrë në dorë atij, përmbylljen e procesit të legalizimeve të shqiptarëve pa asnjë shpenzim”, tha Basha.
Më tej, kryedemorkati tha se “do t’i konfiskojmë pasuritë e pushtetarëve të korruptuar. Paratë e taksave të shqiptarëve nuk do shkojmë për tekat e pushtetarëve. Një faturë që paguan luksin e qeveritarëve. Me ato lekë pastaj që mbledhin muaj pas muaji vijnë si hajdutët natën e fundit për të blerë vota. I thoni largohuni, ikni”.
g.kosovari
