Gazeta prestigjioze “New York Times” vazhdon të shohë me interes situatën në Maqedoni. Në një artikull të botuar ditën e sotme, prestigjozja amerikane thekson se Maqedonia të ndahet si pasojë jo vetëm e aksionit policor në Kumanovë por edhe prej skandalit të përgjimeve që kanë përfshirë shtetin fqinj.
Sipas “NYT”, Maqedonia, një vend në Ballkan sa Vermonti në Amerikë, me vetëm 2 milionë banorë, shfaq tendenca shumë të theksuara nacionaliste, pavarësisht se ka një histori si shtet vetëm 24 vjeçare.
Gazeta ndalet edhe në olitikën që po ndjek Maqedonia dhe më konkretisht kryeministri Nikola Gruevski duke theksuar se Maqedonia është kthyer nga një republikë me shpresa të mëdha për zhvillim, në një shtet autoritar nën udhëheqjen e vetëm një partie.
Në artikull theksohet Gruevksi ka shtypur të drejtat e njeriut dhe veçanërisht shqiptarëve. Jo vetëm kaq por NYT nënvizon se partia e Gruevskit ka kapur mediat, ka mobilizuar forcat e sigurisë, ka keqpërdorur me sistemin e drejtësisë dhe ka arritur që ta largojë edhe opozitën nga Kuvendi.
Gazeta amerikane e cilëson Gruevskin si një person në pritje të shpërthimit të ideve të tij me përrmbajtje nacionaliste.
Shpëtimi për këtë shtet, sipas gazetës, që citon analistë dhe politikanë nga Shkupi, është në dorëheqjen e Gruevskit dhe atë me vullnetin e tij, pa pasur nevojë për protesta të dhunshme.
