Përdorimi i klorokinës ose hidroksiklorokinës, ilaçe të përdorura kundër Covid-19 veçanërisht në fazën e parë të urgjencës, mund të shkaktojë çrregullime psikiatrike dhe sjellje të shoqëruara me vetëvrasje.
Paralajmërimi vjen nga Agjencia Europiane e Barnave, e cila shqyrtoi të gjitha të dhënat në dispozicion për efektet anësore të ilaçit, shkruan Tgcom.
Rishikimi, lexohet në portalin e organit rregullator, filloi në maj të vitit 2020, pasi Agjencia Europiane e Barnave, “u informua nga agjencia spanjolle e ilaçeve për 6 raste të çrregullimeve psikiatrike te pacientët Covid 19, të cilëve u ishte administruar doza e hidroksiklorokinës. më e lartë se ato të autorizuara”.
Në muajin qershor, Instituti Kombëtar i Shëndetit Publik në SHBA, njoftoi se i kishte ndalur provat klinike që synonin të vlerësonin sigurinë dhe efektivitetin e ilaçit që përdoret kundër sëmundjes së malaries, në trajtimin e pacientëve me COVID-19.
Studimi zbuloi se hidroksiklorokina, të cilën presidenti Donald Trump e ka reklamuar vazhdimisht si një trajtim të mundshëm ndaj sëmundjes, “nuk u dha asnjë përfitim pacientëve, por gjithashtu nuk u shkaktoi dëme”.
Në fillim të kësaj jave, Organizata Botërore e Shëndetësisë, tha se provat klinike qëpo zhvilloheshin në masë në disa vende me hidroksiklorokinë, u ndërprenë pasi të dhënat dhe studimet e reja treguan se ilaçi nuk po sillte asnjë përfitim në trajtimin e të prekurve nga COVID-19.
/a.r
