Nusja shkon për të bërë foto në plazh, por ndalet për t’i shpëtuar jetën një burri
Nuk pati asnjë moment hezitimi, në kokë kishte vetëm një mendim: t’i qëndronte besnike misionit fisnik për të shpëtuar jetë njerëzish. Guo Yuanyuan, një infermiere në Kinë, gjendej në plazh për të bërë një set fotografik në ditën më të bukur të jetës së saj: po martohej me njeriun me të cilin ishte dashuruar dhe kishte veshur një fustan të mrekullueshëm. Por në momentet që po bënte fotografitë, pak metra larg saj – një burrë kishte pësuar atak kardiak kur po notonte dhe njerëzit e kishin nxjerrë buzë detit.
Kur Guo e pa skenën, nuk e mendoi dy herë: nxitoi për t’i dhënë ndihmë burrit, u ul në gjunjë me fustanin e saj të nusërisë dhe nisi që t’i bëjë një masazh deri sa të vinte ambulanca, që vonoi rreth 20 minuta. Gjatë gjithë kohës, Guo, sicc raporton ‘Mirror’, u përpoq shumë, por as ndihma e as personeli i mjekëve, nuk arritën që ta shpëtonin. Imazhet e Guo në tentativën për të shpëtuar burrin, përfunduan në internet, duke shkaktuar admirim për të dhe e kanë kurorëzuar ‘nusja më e bukur’. Por, këtë herë, nuk ishte fustani që ngjalli vlerësimet për të, por zemra e ngrohtë e saj.
