Të gjashtë klubet gjermane në Ligën e Kampionëve dhe në Ligën e Evropës këtë javë kanë pësuar disfatë, gjë e cila ndodhi për herë të parë pas 36 vitesh.
Në kuadër të fazës së grupeve në Ligën e Kampionëve, Bayerni i Munichut humbi me rezultatin 0:3 nga Paris Saint-Germain, Borussia Dortmund 1:3 nga Reali i Madridit, ndërsa Leipzig u mposht nga Besiktasi me rezultatin 0:2.
Në Ligën e Evropës, Hertha Berlin u mposht 0:1 nga Ostersunds, Hoffenheim 1:2 nga Ludogorets dhe Kolni nga Crvena Zvezda me rezultatin 0:1.
Pas kësaj, mediat gjermane publikuan artikuj me tituj si “Bundesliga kundër Evropës 0:6” dhe “Javë e zezë në kampionatet evropiane”.
Mediat gjithashtu kanë shkruar se klubet gjermane u mposhtën në gjashtë ndeshje në garat evropiane për herë të fundit në vitin 1981./a.m.
